香港中文大學保安組

香港中文大學保安組喺中大校園負責保安工作嘅單位，總部位於校園正門嘅保安交通中心一樓，編制上有90多人，現時由前總警司李永光擔任首長，近年因為強硬對付學生和平示威、被指老屈同不禮貌對待學生，以及其他被指濫用權力嘅手段，備受一啲批評。

部分爭議例子

喺2019年11月正值香港反送中運動，香港警察入侵中文大學校園事件期間，好多在場老師都諗辦法讓事態降溫，但保安組就被指唔見咗人，備受批評^[1]。
喺2020年，中大校園各入口增設閘機，要求大學成員出入時要向保安身份證明，引起爭議。有啲人發起不合作運動，而去到12月10號，網上有影片流傳，有保安向拍攝者稱「嚟呀，你嚟郁我呀」，之後自己向後倒地，老屈拍攝者打人。之後中大保安組關注組發聲明指，係保安刻意破壞校園秩序，以粗暴言語同態度侮辱同學，影響中大聲譽，又表示繼續監督保安，跟進違反措施的保安，並保留追究權利，又要求校方成立保安監察同投訴制度^[2]。
喺2022年2月，中大用武漢肺炎疫情做理由，要求所有宿生退宿。喺同月11日下晝，有學生自發喺范克廉樓飯堂同埋百萬大道派單張，喺原訂集合時間下午三時半前，就有保安喺集合點文化廣場民主牆外守住。高峰果陣有至少7名保安同4位職員駐守，保安仲要時不時手持鏡頭影向記者及學生，行為極有攻擊性^[3]。
2022年11月，有中大學生喺畢業禮抗議飯堂價格過高、中大學生會被解散、校方強制學生打武漢肺炎疫苗等問題。結果被保安踩腳、推撞同恐嚇，甚至有學生根本無參與示威都被保安包圍^[4]。