香港中文大學衝突
2019年香港事件
(由香港警察入侵中文大學校園事件跳轉過嚟)
香港中文大學衝突，參與者叫中大保衛戰，係2019年11月反送中運動嘅黎明行動引發嘅衝突，香港中文大學被香港警察入侵，中大入面嘅示威者（主要係中大學生）同警方持續對峙，期間警方射咗二千幾粒催淚彈、橡膠子彈同出埋水炮車[1]，諗住搿硬攻入中大，但喺示威者頑強抵抗同反擊下焗住撤退，而示威者喺擊退警方後亦主動撤離。事件亦受到全球唔同媒體嘅關注。
.jpg)
期間大學站遭到大規模破壞，被迫封閉，東鐵綫通返車之後好多日都要飛站，到12月21號至用得返。
後續
編輯各界對香港警察批評
編輯香港監察之後發起學術界聯署，讉責香港警察嘅暴力行為[2]，又促請香港政府捍衛學術自由同埋成立獨立調查委員會。參與嘅知名學者包括諾姆·杭士基、齊澤克、朱迪斯·巴特勒、揚尼斯·瓦魯法基斯、羅拔·彼得·佐治同埋史迪芬·平克。
保安組失蹤表現被批評
編輯衝突期間，好多在場老師都諗辦法讓事態降溫，但保安組就被指唔見咗人，備受批評[3]。
對被捕人士變相不公義審訊
編輯去到2021年4月20號，其中一單有關嘅案件喺區域法院開審，而案中其中一名被捕人士黃亭陶喺首次提堂前已涉棄保潛逃，但控方仍然喺控罪書同埋開案陳詞大篇幅提及佢被捕嘅細節同埋相關證物，結果被法官李慶年質疑係將佢視為「變相被告」，又喺佢缺席下審訊，令佢冇機會解釋答辯，有損佢嘅利益[4]。
審慎期間揭發警察虛假作供
編輯去到2021年4月23號，區域法院就其中一單涉及呢次衝突嘅案件審訊時，有警員聲稱制服其中一名被噴催淚彈嘅被告後，見佢眼水鼻水直流，就用清水幫被告洗眼，但係法庭上嘅片段就揭發咗個警察講大話，片段顯示警察制服被告之後只係直接帶走佢，並無幫佢洗眼。另外，記事冊入面嘅拘捕時間亦有多番修改[1]。
睇埋
編輯
參考
編輯- ↑ 1.0 1.1 〈中大二號橋衝突 警員稱幫被告用清水洗眼 惟片段不見相關動作 | 獨媒報導〉。《香港獨立媒體網》。喺2021-04-23搵到。
- ↑ 〈逾 3,700 國際知名學者聯署 譴責香港警暴 促大學拒警進入校園〉。《立場新聞》 (繁體中文)。香港。原著喺2020-05-19歸檔。喺2020-02-03搵到。
- ↑ 〈【香港要聞】灣仔警區前總警司任中大保安主管 國安處5年前安插警員於校內〉。gnews.org。原著喺2022-11-28歸檔。喺2022-11-28搵到。
- ↑ 〈中大二號橋衝突 涉棄保潛逃女子仍出現於控方陳詞 官：公平審訊係咪容許咁做？ | 獨媒報導〉。《香港獨立媒體網》。喺2021-04-23搵到。
