中央人民政府駐香港特別行政區聯絡辦公室
中央人民政府駐香港特別行政區聯絡辦公室（英文：Liaison Office of the Central People's Government in the Hong Kong Special Administrative Region），簡稱香港中聯辦或中央政府駐港聯絡辦，係中華人民共和國國務院響香港特別行政區嘅代表機構，總部響香港島西營盤干諾道西160號西港中心，前身係新華通訊社香港分社（喬冠華係創社社長）。
香港中聯辦喺2000年成立，前身係新華通訊社香港分社，係中央人民政府駐香港嘅三個機構之一，另外兩個分別係外交部駐香港特別行政區特派員公署（負責香港對外事務）同解放軍駐香港部隊（負責香港防務）。中聯辦喺中國內地設有三個辦事處，分別係廣東聯絡部（地點位於廣州）、深圳辦事處同北京辦事處。
簡介
編輯中央人民政府駐香港特別行政區聯絡辦公室（簡稱中聯辦），前身係新華通訊社香港分社，喺1947年5月成立，係中央政府派駐香港嘅機構。香港主權移交之前，新華通訊社香港分社以中華人民共和國政府駐香港最高代表機構嘅身份，履行中央賦予嘅各項職責。香港主權移交之後，新華通訊社香港分社繼續作為中央人民政府授權嘅工作機構履行職責。香港特區政府喺1999年7月2號喺《政府憲報》度公布，新華通訊社香港分社係中央人民政府喺香港特區設立嘅機構之一。1999年12月28號，國務院第24次常務會議決定，將中央人民政府授權嘅工作機構新華通訊社香港分社，改名做「中央人民政府駐香港特別行政區聯絡辦公室」，簡稱「中聯辦」。
主要職能
編輯- 聯繫系外交部駐香港特別行政區特派員公署同中國人民解放軍駐香港部隊。
- 聯繫並協助內地有關部門管理喺香港嘅中資機構。
- 促進香港與內地之間嘅經濟、教育、科學、文化、體育等領域嘅交流同合作。
- 聯繫香港社會各界人士，增進內地同香港之間嘅交往。反映香港居民對內地嘅意見。
- 處理有關涉台事務。
內設機構
編輯- 辦公廳
- 人事部
- 宣傳文體部
- 協調部
- 研究部
- 社團聯絡部
- 社會工作部
- 經濟部
- 教育科技部
- 台灣事務部
- 青年工作部
- 法律部
- 機關工作部
- 信息咨詢
- 保安部
- 警務聯絡部
- 行政財務部
- 港島工作部
- 九龍工作部
- 新界工作部
- 北京辦事處
- 廣東聯絡部
- 深圳培訓調研中心（深圳辦事處）
涉及議題
編輯中聯辦喺香港嘅角色
編輯自香港主權移交后，中聯辦一直對香港內部事務作出不同形式的干預，其中包括香港各級選舉、立法會內部運作及投票意向等[1]。但根據《基本法》第22條，「中央人民政府所屬各部門、各省、自治區、直轄市均不得干預香港特別行政區根據本法自行管理的事務。」。
就基本法第22條的規定，中聯辦於2020年4月自稱代表“中央人民政府本身”而非“中央人民政府各部门”，认为不受《基本法》第22條約束[2]，但說法和特區政府提交立法會的文件，以及不少法律學者對有關條例的詮釋均不相符。該聲稱亦引起中聯辦在港物業應否獲豁免印花稅的爭議。[3][4]
疑有香港房產交易特別待遇
編輯
中聯辦喺香港持有大量物業，其中立場新聞喺2020年7月估計，有關物業總值近34億但唔使交印花稅，引發社會關注。[5]
插手香港書市
編輯據港台報道，香港三大出版機構 —— 三聯書店，中華書局同商務印書館（「三中商」）及其所屬或控股嘅眾多書店同出版社都同國企或「愛國商人」有關，而實際上，三中商嘅母公司係由中聯辦透過聯合出版集團全資擁有，而多數大學書店都由三中商營運，香港眾多教科書出版商背後嘅老闆都係佢。此外，中聯辦經營香港超過半數書店，一般書籍大約有七至八成喺三中商書店售出。一啲中國大陸嘅敏感禁書如批評政府嘅書籍已經唔喺三中商發售，小數例外亦唔易喺三中商搵到。 香港電台電視部製作嘅每週新聞紀錄片電視節目《鏗鏘集》記者喺專輯中多番追問中聯辦各級官員，無直接回應，只有含糊同埋逃避反應[6]。
喺香港逃犯條例修訂中嘅立場及相關事件
編輯2019年反送中期間，發言支持警察同修例。當中副主任陳冬指香港應該係「購物天堂」而唔係「逃犯天堂」，支持港府盡快修例[7]。
誤判2019社運形勢
編輯反對逃犯條例修訂草案運動爆發初期，中聯辦、港澳辦等部門呈上去嘅形勢評估報告寫得頗為「樂觀」，但係隨住局勢升級，被指令中央感到錯愕，亦對香港局勢感到擔心。[8]路透社喺2019年11月刊文透露，中央已喺深圳紫荊山莊設立咗一個香港危機中心，試圖繞過中聯辦以加強對港事態管理力度。中宣部回應路透社講法唔真實。[9][10]
中聯辦大樓被弄污
編輯2019年7月21日香港反對逃犯條例修訂草案遊行中，一批示威者前往西營盤干諾道西中聯辦大樓外，向中聯辦招牌、中華人民共和國國徽投擲雞類、墨水、與噴漆喺牆上塗污閉路，寫上字句。香港建制派強烈譴責，批評係挑戰中央及特區政府嘅底線，嚴重侮辱國家尊嚴。泛民主派指事件反映中央喺港政策成功程度有關，中聯辦係要正視重責[11]。香港特區政府強烈譴責示威者，批評公然挑戰國家主權[12]。香港中聯辦及國務院港澳事務辦公室亦表示最強烈憤慨同譴責，指示威者行徑已經超越和平示威範疇[13]。喺事後，中聯辦已派員連夜清潔地方[14]。
元朗白衣人事件
編輯香港反對逃犯條例修訂草案遊行期間，2019年7月21日當晚到翌日凌晨，元朗發生襲擊事件。一批穿著白衫、手繫紅繩之疑似黑社會成員到雞地、港鐵元朗站持械無差別襲擊途人，多人血流披面，事件中一共至少45人受傷[15]。
7月11日，中聯辦新界工作部部長李薊貽喺十八鄉鄉事委員會就職典禮上，發言：「愛國愛港嘅村民唔好畀暴徒進入元朗搞事」，「入嚟就一定要趕佢哋走」。[16][17][18]。襲擊事件過後，李薊貽嘅有關言論被外界質疑係中聯辦煽動或「動員」元朗嘅暴力事件，7月23日，李薊貽喺出席一場公開活動中被記者追問時一直笑唔語，對係咪涉及煽動元朗暴力事件嘅問題一概閉嘴唔答[19]。
哪吒2香港電檢事件
編輯中國國家電影局話過，經中聯辦同特區政府相關部門嘅「大力協調」下，舉行首映。《大城誌》調查發現，《哪吒之魔童鬧海》嘅准映證喺首映當日先批出，而整個申請電檢嘅過程，只係一日，隨即獲得批准放映，送檢流程比起其他電影前所未有咁快，按過去當局嘅服務標準計，快特快批核15倍。[20]
睇埋
編輯
出面網頁
編輯- ↑ 〈中聯辦動員挺林鄭 泛民票也不放過〉。《眾新聞》 (香港中文)。原著喺2019-02-03歸檔。喺2017-10-23搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈香港中联办发言人：所谓"中央干预香港内部事务"是对基本法的故意曲解〉。原著喺2020-04-23歸檔。喺2020-04-22搵到。
{{cite web}}: Unknown parameter|dead-url=ignored (|url-status=suggested) (help) - ↑ 陳文敏。〈陳文敏：中聯辦無權監督《基本法》的實施〉。原著喺2020-04-21歸檔。喺2020-04-22搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈蘋果日報：官方文獻鐵證如山 22條管中聯辦 聶德權跪低：西環擁監督權〉。原著喺2020-04-21歸檔。喺2020-04-22搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈【選民登記追查】中聯辦全幢購入做高層宿舍 大廈無名稱保安嚴密 呂秉權：涉情報收集避人耳目〉。原著喺2020-07-21歸檔。喺2020-07-21搵到。
{{cite web}}: Unknown parameter|dead-url=ignored (|url-status=suggested) (help) - ↑ 區家麟 (2018-05-29)。〈請認清「三中商」書店的幕後老闆 ——中聯辦〉。關鍵評論。原著喺2019-07-17歸檔。喺2025-02-24搵到。
- ↑ 〈中聯辦出口術撐修例 「購物天堂不應變逃犯天堂〉。喺2019-07-17搵到。
- ↑ 〈【反送中】中聯辦誤判情勢北京震怒 官員南下坐鎮無對策「以拖待變」〉。《蘋果日報（台灣）》 (臺灣中文)。2019-07-12。喺2019-12-15搵到。
- ↑ 〈有报道称深圳设危机指挥中心监控港局势〉。联合早报。2011-27。原著喺2020年1月11號歸檔。喺2025年2月24號搵到。
{{cite news}}: Check date values in:|date=(help) - ↑ Keith Zhai; James Pomfret; David Kirton (2019-11-26). "Exclusive: China sets up Hong Kong crisis center in mainland, considers replacing chief liaison". 《路透社》 (英文). 喺2020-03-20搵到.
- ↑ 陳倩婷、黃偉超 (2019-07-21)。〈國徽塗污 建制批挑釁中央 泛民：對港政策失敗〉。《香港01》。
- ↑ 〈政府強烈譴責示威者衝擊中聯辦〉。《香港政府新聞網》。2019-07-21。
- ↑ 〈示威者圍堵中聯辦 中聯辦港澳辦嚴厲譴責：挑戰中央權威〉。《明報》。2019-07-21。
- ↑ 〈【721遊行】中聯辦連夜更換國徽 王志民：強烈譴責示威者行為〉。《香港01》。2019-07-22。
- ↑ 〈【元朗暴力】45人受傷送院 1人危殆5人嚴重〉。頭條日報。2019-07-22。原著喺2019-07-22歸檔。喺2019-07-22搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈存档副本〉。原著喺2019-07-23歸檔。喺2019-07-23搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈存档副本〉。原著喺2019-07-23歸檔。喺2019-07-23搵到。
{{cite news}}: Unknown parameter|dead-url=ignored (|url-status=suggested) (help) - ↑ 〈存档副本〉。原著喺2019-07-23歸檔。喺2019-07-24搵到。
{{cite news}}: Unknown parameter|dead-url=ignored (|url-status=suggested) (help) - ↑ 甄樹基 (2019-07-24)。〈被指"動員"元朗暴力中聯辦部長李薊貽閉嘴拒答記者追問〉。法國廣播電台。
- ↑ 〈中聯辦「大力協調」 《哪吒之魔童鬧海》申請電檢一日即獲批 特快批核15倍〉。Yahoo News (中文)。2025-02-23。喺2025-02-24搵到。