香港中醫

香港嘅中醫藥歷史好長，依家受《中醫藥條例》規管。

香港防癆會-香港大學中醫診所暨教研中心（灣仔區）嘅中藥房

歷史

1989年8月，香港政府成立「中醫藥工作小組」，負責檢討香港中醫嘅執業情況，以及中醫藥喺香港嘅使用情況。小組喺1994年10月提交咗1份報告書。根據小組建議，政府喺1995年4月成立香港中醫藥發展籌備委員會（以下簡稱「籌委會」）。籌委會負責就點樣促進、發展同規管香港中醫藥，向政府提供建議。籌委會分別喺1997年3月同1999年3月提交咗2份報告書畀政府。 香港特區行政長官喺1997年同1998年嘅施政報告之中闡述政府對中醫藥嘅政策。衞生福利局局長喺1997年11月就香港中醫藥嘅發展諮詢公眾。根據籌委會嘅建議同喺諮詢期收集到嘅意見，衞生福利局喺1999年2月提交《中醫藥條例草案》畀立法會。同年7月，草案獲得通過，成為香港法例第549章《中醫藥條例》。

根據《中醫藥條例》，香港中醫藥管理委員會（簡稱「管委會」）喺1999年9月成立，係負責實施各項中醫中藥規管措施嘅法定組織。 喺2020年代，香港有3間大學開咗全日制中醫藥學士學位課程。

出邊網頁

• 衞生署中醫藥規管辦公室
• 香港法例第549章《中醫藥條例》