香港仔消防局暨救護站（英文：Aberdeen Fire Station Cum Ambulance Depot）係香港消防處一座消防局同救護站，響香港島南區香港仔黃竹坑南風道1號，為咗配合香港海洋公園擴建同黃竹坑未來發展帶嚟嘅需求而搬到呢度起，2010年6月開工，使咗1.722億港紙（包括拆舊消防局工程），2012年8月完工，同年9月28號開張。香港仔消防局暨救護站亦係香港第一座有纜車救援訓練設施嘅消防局。
舊消防局塊地將來點用，地區人士同區議員建議起南區第一座政府合署大樓，容納各香港政府部門辦事處，但係政府就話計劃改做商貿用。
