初中成績評核試
(由香港初中成績評核試跳轉過嚟)
初中成績評核試（Junior Secondary Education Assessment），通常叫中三評核試、中三淘汰試，係香港1981到1987年間，決定中三升中四嘅一個公開試[1]。因有民間有反對而取消。之後由校內評核代替[1]。
情況
編輯香港政府實施九年免費敎育，由小一到中三。而中三升中四，由於中四嘅資助學位有限，有部份學生唔可以升中四。1981年就加咗個中三評核試，來定出每間學校升中四嘅人數，叫做獲選派資格率。升唔到中四，部份會去咗工業學院，轉向政府資助職業訓練。每年約莫有九萬中三學生參加呢個試，近六成派去官立或資助中四學位[2]。
民間反對
編輯當時中三評核試加埋小六學能測驗、香港中學會考、香港高級程度會考、香港高等程度會考，令到成個敎育學制變到以考試為中心[2]。中三評核試斬開初中同高中課程，唔連貫，連初中課程都變成為考試而教，令初中飽受考試壓力，有損敎育。所以民間有好大反對聲音，要求取消呢個試[2]。
1984年第一號報告書建議逐步廢咗個試[2]。1986年《檢討初中成績評核辦法工作小組報告書》，公開諮詢後，建議獲選派資格率有九成半以上嘅學校，用過往三年嘅平均獲派資格率來決定幾多人升中四，替咗中三評核試。後尾所有中三學生都唔使考，正式廢試[2]。