香港即棄塑膠產品管制
呢篇文記述緊一項香港嘅時人時事。 內容會隨住事件嘅進展而變動或者更新。 |
香港即棄塑膠產品管制係指香港由2024年4月22號開始根據《2023年產品環保責任（修訂）條例》管制即棄塑膠餐具同指定類型嘅塑膠產品。
沿革
編輯香港立法會喺2023年10月18號通過《2023年產品環保責任（修訂）條例》[1]，分兩個階段管制即棄塑膠產品，第一階段定喺2024年4月22號，第二階段暫定2025年內。為咗向公眾宣傳，環境保護署喺2024年1月開設一個叫「截塑」（英文：Cut The Plastics）嘅網站。
管制範圍
編輯第一階段
編輯2024年4月22號生效：
- 唔可以銷售；食肆唔可以提供畀堂食同外賣人客：發泡膠餐具、膠飲管、膠攪拌棒、膠叉、膠刀、膠匙、膠碟
- 食肆唔可以提供畀堂食人客：膠杯、膠杯蓋、膠食物容器、膠食物容器蓋
- 唔可以銷售同免費供應：膠棉花棒、膠氣球棒、膠充氣打氣棒、膠熒光棒、膠派對帽、氧化式可分解塑膠產品（唔理係咪即棄性質）、膠雨傘袋、食物膠籤、膠牙籤
- 唔可以免費供應：酒店同賓館嘅即棄塑膠洗漱梳妝用品同即棄膠樽裝水、宣傳用塑膠包裝紙巾、非醫療用透明即棄膠手套
- 唔可以製造：氧化式可分解塑膠產品（唔理係咪即棄性質）
第二階段
編輯暫定2025年內生效：
- 唔可以銷售；食肆唔可以提供畀外賣人客：膠杯、膠杯蓋、膠食物容器、膠食物容器蓋
- 唔可以銷售同免費供應：多環膠圈套、膠枱布、膠牙線棒
- 唔可以免費供應：膠耳塞