香港商業電台續牌風波
香港商業電台續牌風波係指2003年香港商業電台續牌時，香港特別行政區政府內部討論應唔應該畀12年牌照，個別人士嘅取態引起嘅風波，並喺2012年香港行政長官選舉期間嘅選舉論壇，由候選人之一唐英年揭發，指另一候選人梁振英當時作為行政會議召集人提出縮短商業電台牌照年期至三年，作為打壓言論自由嘅手段。事件引起公眾嘩然，有人指責唐英年違反保密原則，亦有人指梁振英不擇手段。
另外，由於唐英年喺同一個選舉論壇入面亦質問梁振英有冇講過「香港終有一次要出動防暴隊和催淚彈對付示威者」，梁振英話無，結果換來唐英年用手指指向梁振英，然後唐英年高呼你呃人[1]， 所以有啲媒體形容呢次唐英年係對梁振英施以「斬首行動」[2]，有著不惜兩敗俱傷嘅態度，[3]。
參考來源
編輯- ↑ 〈【最難忘Sound Bite】04.唐英年：你呃人〉。《Now 新聞》 (香港中文)。2017-06-01。喺2024-06-17搵到。
- ↑ 一国两智 (2012-03-17)。〈唐英年爆兩機密 梁振英﹕難造事實〉。《中国数字时代》 (中國中文)。喺2024-06-17搵到。
- ↑ 〈香港特首选战再揭阴私〉。《RFI - 法国国际广播电台》 (簡體中文)。2012-03-17。喺2024-06-17搵到。