你呃人
「你呃人」係香港前政務司司長唐英年，作為2012年香港行政長官選舉候選人，喺3月16號電視選舉論壇入面對對手梁振英嘅一句批評。呢句話亦成為咗唐英年嘅金句。
情景
編輯唐英年喺選舉論壇入面問梁振英有冇講過「香港終有一次要出動防暴隊和催淚彈對付示威者」，梁振英話無，結果換來唐英年用手指指向梁振英，然後唐英年高呼你呃人[1]，咁做係打壓同扼殺言論自由，無捍衛香港嘅核心價值[2]。
論壇後後續
編輯唐英年嘅指控引起公眾嘩然，民主黨立法會議員涂謹申話以及特首候選人何俊仁都話，唐英年嘅指控好嚴重，事件涉重大公眾利益，要求當時嘅特首曾蔭權對行會會議作有限度解密，讓當時嘅行會成員交代梁振英是否講過上述說話[3][2]。
另外，由於唐英年喺同一個選舉論壇入面再次提起2003年嘅香港商業電台續牌風波，指控梁振英提出縮短商業電台續牌嘅牌照時間，指梁振英打擊言論自由，所以有啲媒體形容呢次唐英年係對梁振英施以「斬首行動」[3]，有著不惜兩敗俱傷嘅態度[4]。
香港各大報章第二日都以頭版頭條大篇幅報道[5]。民間反應方面，有啲人認為唐英年今做幫助大家認清梁振英嘅真面目，但亦有啲人反感。辯論後民調方面，梁振英嘅支持度仍然領先，但已經有所下滑[2]。
影響
編輯呢句話成為咗唐英年嘅金句，亦不時被引述作為對梁振英嘅批評。
- 喺2012年12月，激進民主派人民力量立法會議員陳偉業同黃毓民曾經喺立法會對梁振英抗議期間，播放咗唐英年講呢句說話嘅錄音[6][7]。
- 香港電台舉行「2012聲音檔案選舉」，「你呃人」呢句錄音奪得冠軍[8]。
- 以香港政治為主題嘅紙牌遊戲《神聖一票》，其中一隻有功能牌叫做「你呃人」，可以用嚟攻擊遊戲對手[9]。
隨住梁振英當選並上任成為特首，唐英年呢次嘅金句亦不時被引用，連同梁振英一啲被指打壓言論自由嘅行為，喺2016年香港立法會選舉同2017年香港行政長官選舉，梁振英宣布唔角逐連任之前，一啲親政府派、泛民主派嘅勢力甚至醞釀咗Anyone but CY（除咗梁振英之外任何人）嘅聲音[10]。
外部連結
編輯參考來源
編輯- ↑ 〈【最難忘Sound Bite】04.唐英年：你呃人〉。《Now 新聞》 (香港中文)。2017-06-01。喺2024-06-17搵到。
- ↑ 2.0 2.1 2.2 〈香港特首选战再揭阴私〉。《RFI - 法国国际广播电台》 (簡體中文)。2012-03-17。喺2024-06-17搵到。
- ↑ 3.0 3.1 一国两智 (2012-03-17)。〈唐英年爆兩機密 梁振英﹕難造事實〉。《中国数字时代》 (中國中文)。喺2024-06-17搵到。
- ↑ 〈香港特首选战再揭阴私〉。《RFI - 法国国际广播电台》 (簡體中文)。2012-03-17。喺2024-06-17搵到。
- ↑ 〈港媒評論唐英年指梁振英2003年企圖鎮壓示威〉。《美國之音》。2012-03-17。喺2024-06-17搵到。
- ↑ 〈今日信報 - 要聞 - 人力播唐英年「你呃人」〉。《信報網站 hkej.com》 (香港中文)。喺2024-06-17搵到。
- ↑ 〈大舊毓民長毛 相繼被趕 - 東方日報〉。orientaldaily.on.cc。喺2024-06-17搵到。
- ↑ 香港經濟日報HKET。〈唐少「你呃人」 聲音選舉摘冠 - 香港經濟日報 - 報章 - 要聞〉。《香港經濟日報HKET》 (繁體中文)。喺2024-06-17搵到。
- ↑ 〈你的選票神聖嗎？ 專訪紙牌遊戲《神聖一票》創作團隊 | 輔仁文誌〉。www.vjmedia.com.hk。原著喺2022-11-27歸檔。喺2022-11-27搵到。
- ↑ 〈李怡回憶錄：任何人除了梁振英〉。
{{cite web}}: CS1 maint: url-status (link)