香港城市大學
香港的公立大學
香港城市大學（簡稱：城大；英文：City University of Hong Kong，縮寫：CityU(粵拼：sit1 ti1 ju1)、City(粵拼：sit1 ti2)），係香港一間國際知名嘅公立研究性大學，位於九龍九龍塘。城大喺1984年創校，嗰時叫做香港城市理工學院（City Polytechnic of Hong Kong），校舍設喺旺角嘅商業大廈度。喺1994年升格做香港城市大學。
香港城市大學係八間大學教育資助委員會（教資會）轄下嘅資助大學之一，係香港同全球知名嘅國際化大學之一，注重多元化、跨文化學習同全球視野。香港城市大學學術水平近年不斷顯著提升，更連續多年獲國際評為香港四間最佳高等學府之一。根據QS 2022年大學排名榜，香港城市大學位列全球第53位，在「建校未滿50年全球最佳學府」中，更位列第4位；2020年QS亞洲大學排名榜第19位。城大由商學院、人文社會科學院、科學院、工程學院、動物醫學及生命科學院、數據科學院、創意媒體學院、能源及環境學院、法律學院及周亦卿研究生院10個學院、27個學系、41個科研中心組成[1]，提供超過100項學士學位同研究生課程。周亦卿研究生院負責所有研究生課程嘅運作同發展，同埋提升研究生嘅學習環境[2]。
參考改
- ↑ 城大統計資料
- ↑ 〈張信剛﹕城大不為資源合併〉. 星島日報. 2004年4月16號. 原著喺2020年3月28號歸檔. 喺2015年9月16號搵到.