香港天線有限公司,簡稱香港天線英文Hong Kong Antenna and Engineering Company Limited,除牌時九龍證券交易所上市編號:205)係一間執咗笠嘅香港上市公司,創辦人係陳普芬樂秀章(其中陳普芬亦係九龍證券交易所創辦人),呢間公司宣稱經營研究同發展電視天線業務,1973年香港股災急跌,被認為係一隻泡沫股。由於股價喺上市大概六星期就上升29倍,因此被當時嘅股民稱為「香港黐線」。

1970年代初,香港股市進入咗瘋狂階段,由於嗰時香港政府監管制度唔夠,任何公司都可以輕易上市。1972年11月22日,香港天線宣佈喺九龍證券交易所上市,聲稱發明咗一種可以畀家庭使用嘅天線,雖然招股書內容清楚寫明:「本公司剛成立,尚未開始經營…上市集資作研究和發展用途…對未來派息未能保證。」,但仍然被股民瘋狂追捧。

香港天線股票嘅招股價係每股1港元,同年12月5日上市。上市第一日最高報3.2元(升2.2倍),收市報2.522元(升約1.5倍)。大概六星期後嘅1973年1月23日,香港天線已升到30元嘅歷史最高位。但股民呢個時候發現現實中只要喺大廈頂層豎一枝鐵線,都可以接收電視信號,並唔涉及科技研究,事件更加變成國際笑話。該股未到同年3月股災正式爆發,其股價已經跌至停牌,最後執笠清盤

由於年代久遠,新一代香港股民以訛傳訛,喺2000年代試過流傳香港天線上市當日就升到50元收市,上升幅度有49倍。

同時期亦有一隻由同一班人馬創立嘅股份,叫做香港電腦

參考 編輯