香港專上學生聯會退出風波，簡稱退聯風波，係由2014年12月開始香港專上學生聯會（學聯）發生嘅一場校園政治風波，主要由雨傘革命後各大專院校學生會選舉同香港專上學生聯會關係爭議而引起。而家除咗樹仁大學外，其他大專院校都發起咗「退出學聯關注組」。幾間大學都已經搞咗退聯公投，其中香港大學、理工大學、浸會大學同城市大學都通過咗，只得嶺南大學否決咗。
