香港工程師學會

香港工程師學會（英文：The Hong Kong Institution of Engineers）係香港嘅專業工程師團體。香港工程師學會嘅前身係成立喺1947年嘅香港工程協會。香港立法局喺1975年通過咗香港法例第1105章《香港工程師學會條例》，成立香港工程師學會去取代工程協會。學會嘅使命係去促進工程學知識同埋思想嘅交流，為成員提供新技術同新做法嘅培訓，並提高工程師嘅地位同知名度。2019年，學會會員人數大約有30000人，分別屬於21個工程專業界別^[1]。香港工程師學會同世界各地嘅工程機構建咗緊密嘅聯繫，又同澳洲、加拿大、愛爾蘭、中華人民共和國、紐西蘭同英國嘅工程機構簽訂專業資格互認協議。另外，學會又同歐洲、東亞、北美等東南亞嘅機構簽訂合作協議。

香港工程師學會係世界工程組織聯合會嘅附屬成員，亦都係亞洲及太平洋工程機構聯合會嘅成員^[2]。