香港幹線編號系統
香港幹線編號系統係同香港各條幹線編嘅冧巴，方便市民認別有關幹線。
今時今日嘅香港幹線編號系統已經係第三代。
第一代
編輯喺1968年發表嘅《香港長遠道路研究》報告中，刊登咗第一代幹線編號。連接各個策略性發展區嘅主要幹線，用一位數字嘅編號。而連接策略性發展區內地方嘅區域幹線，就用兩位數字嘅編號。
（＊ 條路重喺度，但家下冇幹線編號；＃ 幹線冇起到）
- 1號幹線：香港仔 ↔ 粉嶺
- 11號幹線＊：觀塘 ↔ 荔枝角
- 12號幹線＃：旺角 ↔ 昂船洲
- 14號幹線＊：彩虹 ↔ 蒲崗村
- 2號幹線：九龍城 ↔ 上水
- 21號幹線＊：漆咸道南
- 22號幹線＊：廣東道
- 23號幹線＊：彌敦道
- 3號幹線：九龍城 ↔ 鯉魚門
- 31號幹線＊：馬頭圍道
- 4號幹線：蝴蝶谷 ↔ 觀塘
- 41號幹線：觀塘 ↔ 將軍澳
- 42號幹線＊：彩虹 ↔ 清水灣
- 5號幹線：葵涌 ↔ 沙田
- 6號幹線：青山公路葵涌至荃灣段
- 7號幹線：銅鑼灣 ↔ 香港仔
- 71號幹線＊：薄扶林道
- 8號幹線：銅鑼灣 ↔ 柴灣
- 81號幹線＃：柴灣 ↔ 香港仔
第二代
編輯第二代幹線編號自1974年開始用到2004年1月31號，共有9條已建成嘅幹線同埋2條建議緊嘅幹線。第二代嘅冧巴大致沿用第一代嘅冧巴，主要唔同在於將一啲連接嘅幹線編號合併，例如新嘅2號幹線係由之前嘅2號同3號幹線合併而成，並廢除舊有嘅區域幹線編號。
- 1號幹線：香港仔 ↔ 落馬洲（47.3公里）（頭20.4公里係家下1號幹線，其餘係家下9號幹線火炭至新田段）
- 2號幹線：牛頭角 ↔ 新田（54.4公里）（頭17.9公里係家下5號幹線，其餘係家下9號幹線柴灣角至新田段）
- 3號幹線：西營盤 ↔ 凹頭（27.4公里）（家下3號幹線）
- 4號幹線：葵涌 ↔ 將軍澳（17.6公里）（家下7號幹線）
- 5號幹線：荃灣 ↔ 沙田（9.5公里）（家下9號幹線城門谷至火炭段）
- 6號幹線：鰂魚涌 ↔ 馬料水（18.8公里）（家下2號幹線）
- 7號幹線：銅鑼灣 ↔ 香港仔（13.5公里，堅尼地城至香港仔路段未起好）（家下4號幹線灣仔至堅尼地城段）
- 8號幹線：銅鑼灣 ↔ 柴灣（8.6公里）（家下4號幹線東區走廊段）
- 9號幹線：赤鱲角 ↔ 沙田（33.2公里）（家下8號幹線）
- 10號幹線：西營盤 ↔ 后海灣（計劃緊，29.5公里）
- 11號幹線：西九龍 ↔ 將軍澳（計劃緊，約14公里）（家下計劃緊嘅6號幹線）
9號幹線長沙灣至沙田段，以前叫16號幹線。
第三代
編輯2003年，香港運輸署發表《香港方向指示標誌綜合檢討研究》報告話，用咗近30年嘅第二代幹線編號系統，只係按道路建成次序而編配，令駕駛者難以分辨，亦令道路編排得好冇系統。所以第三代幹線編號系統正式被編配，令駕駛者能夠更方便使用幹線。呢個系統於自2004年2月1號開始用。
第三代將9條幹線分開3個類別：南北向、東西向及環迴。
- 南北向幹線
- 1、2及3號幹線，編號次序係按所穿過嘅海底隧道嘅啟用先後次序而訂（依次序為：紅隧、東隧、西隧）。
- 東西向幹線
- 4、5、6（預留）、7、8及10號幹線，係按地理位置由南至北編號。
- 環迴幹線
將原有嘅1、2號幹線位於新界嘅部份，加上5號幹線，重組成為一條環迴新界嘅9號幹線。
第三代幹線編號系統如下：