香港戲劇協會喺1984年成立，係香港戲劇團體同戲劇工作者嘅聯合大會，宗旨係團結香港戲劇界，推動戲劇運動，反映同表達香港戲劇發展嘅意見同促進香港戲劇界對外嘅交流同觀摩，並為香港唔同層面嘅觀眾、戲劇愛好者同劇場專業工作者舉辦唔同形式嘅戲劇活動。為咗表揚一班有出色表現嘅戲劇工作者，每年都會舉辦香港舞台劇獎。
