呢篇文講嘅唔係民間人權陣線

香港民族陣綫,簡稱港民陣,係一個喺2015年成立嘅港獨組織,主張香港人應該擁有聯合國公民及政治權利國際公約》所賦予的權利,提出民族自決,從而實現香港獨立

香港民族陣綫嘅標誌

政黨口號為「脫支解殖,香港獨立!」及「光復香港,時代革命!」象徵顏色係赤色。

2018年9月,梁頌恆加入香港民族陣綫並擔任發言人[1]

政治信念 編輯

根據聯合國 《公民及政治權利國際盟約 第壹編第一條》,「所有民族都享有自決權,根據呢種權利,自由決定佢哋嘅政治地位,並自由謀求佢哋嘅經濟、社會同文化嘅發展。」

「香港,作為一個華洋雜處丶中西薈萃嘅地方,係英國殖民地時期,已經發展出佢獨特嘅文化同價值觀,加上近年對於中共殖民嘅仇恨同恐懼,客觀同主觀條件結合,本身已經具備成為一個民族嘅主要條件,係應該擁有民族自決嘅權利。然而,喺80年代嘅中英談判,香港人被隔絕於談判桌外,以砧上魚肉嘅身份被直送中共虎口,而香港人自決嘅權利亦因此淪喪。」

「當日香港淪陷之時我哋唔夠大,無力阻止。但今日眼見中共殖民日漸迫近,作為香港民族立身之本嘅語言文化日漸被中共消㓕,我哋決意要盡一切方法,捍衛香港民族之根本,並重奪失去嘅自決權利[2]!」

事件 編輯

港獨遊行被打壓 編輯

 
示威者喺灣仔軒尼詩道高舉香港獨立旗
 
「愛護香港力量」嘅成員喺軒尼詩道同利園山道交界舉起反對香港獨立嘅標語

2018年12月31號,即係2019年元旦遊行嘅前一日,組織嘅倉庫被爆門,點算後,發現損失雙位數字旗幟[3]。香港民族陣綫發言人梁頌恆形容,喺廿四個鐘入面多個支持港獨嘅組織先後受到跟蹤滋擾,相信係有系統咁針對今日行動。遊行照常舉行,大約有百幾人參與,遊行隊伍下晝三點喺銅鑼灣東角道同民陣元旦遊行一齊起步,但喺下晝四點半抵達灣仔差人總部之後解散,無跟民陣去終點政府總部公民廣場。遊行期間港獨派人士鄭俠多次率領支持者叫口號,包括「脫共解殖」、「民族自決」、「莊敬自強」、「香港獨立」、「西藏獨立」、「打倒殖民政權」、「一國兩制是謊話」、「兩國才有兩制」、「香港唔獨、實變大陸。」等[4],又提及中共將新疆維吾爾人送入集中營虐待、中共違反中英聯合聲明,形容中共乃「全世界嘅敵人」。當遊行隊伍經過利園山道附近,港獨支持者被「愛護香港力量」嘅支持者辱罵「唔愛國」,質疑民陣「包庇港獨」。港獨支持者高呼「香港獨立」回應[5]

中國五毛去香港民族陣綫嘅facebook洗版 編輯

2019年7月22號,夜晚八點幾,香港民族陣綫嘅facebook被洗版,多數留言都重複,內容包括《基本法》第18條、「支持香港警察」、「感謝香港人」、「一個中國是共同願望、一國兩制是明確目標」等,亦有五毛留言貼上「中國」特色嘅「表情包」貼圖。多名留言嘅五毛畀人起底。後來,有網友將查到嘅資料攞去填寫從軍表格,「幫助」帝吧成員參軍,並且「志願」選填「艱苦地區部隊」,甚至將宗教欄位填為「伊斯蘭教」。中國「豆瓣討論區」上有疑似「苦主」嘅五毛表示,自己遭到「港獨人肉」且「被從軍」。該名苦主除咗話好多五毛嘅資料都被起底,更表示對於「被參軍」一事,「感覺真要報警了」[6]

編輯

  1. . (香港中文). 2018-09-25. 原著喺2019-06-26歸檔. 喺2020-04-02搵到.
  2. . facebook.
  3.  . (香港中文). 2019-01-01. 喺2020-04-11搵到.
  4. 港數千人元旦遊行 獨派人士入公民廣場釀衝突. (香港中文). 2019-01-02. 喺2020-04-14搵到.
  5. 獨遊行百人參與 梁頌恆:中共打壓愈勁,代表佢哋愈驚. (香港中文). 2019-01-01. 喺2020-04-11搵到.
  6. . (臺灣中文). 2019-07-24. 喺2020-04-11搵到.

連出去 編輯