2019年元旦遊行
2019年元旦遊行，係由民間人權陣線喺2019年1月1號發起嘅遊行，遊行以「香港未完蛋，希望在民間」為主題。由銅鑼灣東角道遊行至公民廣場（金鐘政府總部東翼前地）。民陣宣布有5500人參加遊行，比舊年嘅一萬人少咗差唔多一半。差佬話遊行高峰有3200人，比舊年嘅6200人少咗差唔多一半[1]。另外，由學生動源、香港民族陣綫同香港獨立聯盟等主張香港獨立嘅組織發起嘅元旦遊行，有百幾人參與。遊行隊伍下晝三點喺銅鑼灣東角道同民陣元旦遊行一齊起步，但係下晝4點半抵達灣仔差佬總部後解散，無跟民陣去終點政府總部公民廣場[2]。
遊行訴求
編輯遊行前夕
編輯民陣公開邀請港獨團體參加遊行
編輯民陣喺今年嘅元旦遊行首次主動邀請港獨團體參加。引起政府關注，特區政府已經發出警告，話港獨違反基本法[5][6]。
港獨派受到滋擾
編輯香港民族陣綫喺2019年1月1號喺Facebook出文表示組織倉庫被爆門，無人受傷。發言人梁頌恆向《明報》記者表示，組織成員尋日下晝曾經去倉庫，當時無事，至尋晚大約十點幾，業主通知倉庫被爆門，組織成員點算之後，發現損失雙位數字嘅旗幡，音響等比較值錢嘅嘢無唔見。香港民族陣綫發言人梁頌恆接受蘋果日報查詢時指，倉庫原本儲存直幡、橫額、音響等物資，倉庫大門亦都被賊人整爛。
梁頌恆表示喺十幾個鐘內，多個港獨組織都被人跟蹤同拍門，相信係特登針對港獨人士，佢估計係黑社會所為，「政權利用黑社會做事已非首日，2014年已發生，今日只是變本加厲」。
香港民族陣綫其後喺Facebook貼文補充，差佬話已經由新界南重案組跟進。睇咗閉路電視之後，發現喺除夕下晝一共5個匪徒到倉庫爆竊，當中3人負責睇門口，一人負責睇樓梯， 一人攞住疑似鐵筆撬爛門。
學生獨立聯盟召集人陳家駒亦喺Facebook表示，今日10點搭九有懷疑黑社會喺佢屋企門外拍門。陳家駒向《明報》記者表示，今朝早佢沖緊涼嗰陣時，有人猛力敲打鐵閘，阿爸畀人嚇親開門，見兩個後生仔帶住口罩話要「收數」。阿爸追問之後，對方話要向黃姓人士追債，陳父澄清呢度姓陳，兩人隨即走人，對話期間並無提及港獨。陳家駒沖涼之後由阿爸同佢講。
陳家駒強調，今日幾名支持港獨人士都有被滋擾，相信係有目的，加上對方所戴口罩同滋擾其他獨派人士嘅人一樣，相信對方唔係「點錯相」。佢預計中聯辦有任務要盡量阻止佢哋宣揚理念，中聯辦擔心遊行主題令政權無面。被問到會唔會搵差佬，陳家駒相信對方主要目的係令佢哋搵差佬，令佢哋參加唔到遊行，會先專注遊行，遊行之後會同其他受害人商討點處理。
學生動源召集人鍾翰林亦向《明報》記者表示，佢嗰朝早離開元朗住所嗰時，被3個疑似黑社會監視，因早前佢喺同一地方被黑社會人士襲擊，佢當時即刻影嗰三個人嘅樣，不過嗰三個人隨即將佢迫向牆角，要求佢刪除張相，又恐嚇佢唔好喺網上公開。鍾翰林扮刪除張相，嗰三個人走咗，不過之後發現佢哋再跟蹤佢同組織成員。
鍾透露，三人期間曾經同佢講，鍾曾被黑社會襲擊，「唔好搞咁多嘢」，相信係暗示佢唔好做任何主張港獨行動，希望阻住佢參加遊行；獨立港獨人士鄭俠亦指近期被疑似黑社會人士跟蹤，五個黑衣人琴日朝頭早又喺佢嘅屋企樓下守候，估計係中共派嚟嘅爪牙[7][8]。
親中共組織喺銅鑼灣遊行
編輯「保衛香港運動」喺下晝一點遊行，由銅鑼灣百德新街遊行至鵝頸橋，批評泛民舊年「搞拉布流會」，形容泛民議員係「攪屎棍」。
不過，「保衛香港運動」發起人傅振中喺遊行開始之前講嘢，就醒唔起民主黨立法會議員尹兆堅個名，令全場寂靜，最後佢皺眉睇稿5秒，先喺同伴提醒下讀到個名出嚟，話對方喺議會搞拉布被告普通襲擊罪，「唔好放過佢」。遊行開始之前，傅振中就強調今次遊行係「依法守法」，唔想同泛民嘈，呼籲支持者和平，又聲稱唔想有衝突，不過根據香港01報道，有途經市民笑班親中共人士「收咗幾多錢啊？」嘅時候，就有親中共人士鬧「收你老母」[9]。
遊行經過
編輯親中共組織同人士去民陣遊行搞事
編輯
喺民陣遊行隊伍出發之前，大約3名中年大媽大叔拎住中華人民共和國國旗、「中國我愛您」同反港獨等標語到起點「踩場」，高呼「中國共產黨萬歲」等[10]。「愛護香港力量」發言人李嘉嘉向岑子杰話要加入遊行，岑要求李指出認同民陣邊啲主張，並要求李一齊叫口號「鄭若驊下台」、「徹查梁振英UGL」，李未有回應，兩人對話兩分鐘後，李就離開。最後佢哋喺軒尼詩道同利園山道交界舉起反對香港獨立嘅標語。
岑子杰表示支持唔同政見人士加入遊行，但希望佢哋可以講出支持遊行邊一啲訴求[11]。
差佬同政總保安阻住港獨支持者入公民廣場
編輯遊行喺終點公民廣場舉行集會，行政署之前向民陣表明，唔可以喺公民廣場進行鼓吹港獨活動[11]。喺上次十一遊行因為舉「香港唔獨 實變大陸」標語一度被阻進入公民廣場嘅梁伯，今次舉「只有兩國 才有兩制」標語，梁伯話公民廣場唔係政府物業，「全部錢都係納稅人嘅，連林鄭食嘅著嘅，都係我哋香港巿民嘅！物乜嘢業啫？」梁伯又指港獨係香港人可以表達嘅意見之一，「政府點解唔可以唔畀人入（公民廣場）呢？」梁伯其後嘗試進入公民廣場，但大批保安上前阻止，其他遊行人士上前支援，其間一度發生混亂。之後梁伯喺遊行人士嘅護送下成功進入公民廣場並喺台上發言，指中國共產黨係人類歷史上最邪惡嘅政權，一國兩制係大話，共產黨靠大話同暴力維持統治，香港獨立無罪，要替天行道，香港獨立係合情合理合法，殖民地自決公投獨立係天公地道，係天理，香港人爭取獨立理直氣壯，台下有人以「打倒共產黨」回應[12]。
反應
編輯對差佬嘅批評
編輯民權觀察嘅觀察員分別喺集會地點、遊行隊伍嘅前段、中段同尾段進行觀察。部份觀察重點如下：
民權觀察注意到當日差佬用攝錄機長時間錄影一啲拎住英國旗同港英旗嘅示威者。根據觀察員記錄，差佬喺當日下晝兩點半已經喺銅鑼灣東角道攝錄一啲拎住英國旗同港英旗嘅示威者。喺遊行隊伍出發嗰時，差佬安排攝錄小隊喺遊行期間跟住拎緊英國旗同港英旗嘅示威者，影住佢哋參與遊行時嘅行為同言論，直至示威者喺大約下晝四點搭四到達政府總部東翼外嘅行人路，差唔多影咗佢哋兩個鐘。而喺個別路段，差佬更安排咗兩隊攝錄小隊攝錄佢哋。根據觀察員嘅觀察同記錄，佢哋參與遊行都好和平，佢哋嗌嘅口號係「中國嚴重違反中英聯合聲明，將香港還畀英國」，佢哋喺參與遊行嘅過程無任何鼓吹暴力嘅言論或行為。
民權觀察認為差佬針對某一班人進行長時間嘅攝錄，做法明顯唔係為咗檢討差佬對活動安排嘅目的，而係搜集證據。並質疑如果差佬認為有人喺遊行犯法而以攝錄方式搜集證據，點解無即時以行動制止差佬認為非法嘅行為同拉示威者？民權觀察認為差佬長時間攝錄示威者嘅做法極具恐嚇同騷擾性，促請差佬交代攝錄嘅目的同法律理據。民權觀察認為警方嘅做法嚴重侵犯示威者嘅私隱同威脅佢哋嘅表達自由，亦違反差佬有關錄影大型公眾活動嘅指引。
民權觀察注意到有至少兩隊差佬攝錄小隊喺攝錄行動期間除低背心，以便衣嘅方式喺政府總部東翼前地內繼續攝錄集會嘅情況，當時集會現場係完全和平。根據《警察通例》20-14，差佬喺行使權力時必須表明身份及出示委任證，而喺案發現場嘅便衣警員，必須將委任證掛喺顯眼地方，令人容易辨認佢哋嘅身份。民權觀察認為有差佬刻意收埋身份，喺公眾集會攝錄嘅做法係明顯違反《警察通例》。而佢哋喺和平集會攝錄嘅做法，亦違反警方有關錄影大型公眾活動嘅指引。
民權觀察亦注意到，差佬安排咗至少四組嘅攝錄小隊喺政府總部東翼前地內、政府總部東翼入口、政府總部東翼對外天橋上面持續攝錄遊行集會嘅過程。民權觀察認為警方對今次集會嘅監控除咗針對個別群體，同時亦覆蓋一般集會參與者；警方做法同自由社會嘅精神背道而馳，威脅市民私隱、集會自由及表達自由。民權觀察促請警方停止違規影大型公眾活動嘅行為[13]。
特區政府
編輯政府話自己十分尊重市民參加遊行同集會嘅權利，亦都尊重發表意見嘅自由[14]。
其他資料
編輯參考資料
編輯- ↑ 〈【元旦遊行】民陣：5500人參與 警：高峰3200人〉。《明報》。2019-01-01。喺2020-04-14搵到。
{{cite web}}: CS1 maint: url-status (link) - ↑ 〈【元旦遊行】港獨遊行終點定警總 學生動源：與民陣訴求不同〉。《香港獨立媒體》。2019-01-01。原先內容歸檔喺2021-07-18。喺2020-07-17搵到。
- ↑ 〈2019元旦遊行〉。《民陣facebook》。2018-12-30。原先內容歸檔喺2020-04-14。喺2020-04-14搵到。
- ↑ 〈香港數千人元旦遊行 獨派人士入公民廣場釀衝突〉。《美國之音》。2019-01-02。原先內容歸檔喺2019-07-24。喺2020-04-14搵到。
- ↑ 〈香港民陣元旦遊行 首邀港獨團體參加〉。《中央社（臺灣）》。2019-01-02。喺2020-09-05搵到。（臺灣正體）
- ↑ 〈香港特區政府重申絕不容忍港獨〉。《香港特區政府新聞公報》。2019-01-01。喺2020-09-05搵到。
- ↑ 〈【元旦遊行】港獨組織多名成員稱被監視爆竊 梁頌恆：黑社會所為〉。《明報》。2019-01-01。喺2020-11-15搵到。
- ↑ 〈賊匪爆倉 雙煞拍門 黑幫跟蹤 港獨派控訴惡勢力恐嚇〉。《蘋果日報》。2019-01-02。原著喺2021-06-21歸檔。喺2020-11-15搵到。
- ↑ 〈【元旦遊行】傅振中打對台 批泛民「攪屎」 卻忘記尹兆堅名字〉。《香港01》。2019-01-01。原先內容歸檔喺2021-08-07。
- ↑ 〈【元旦遊行】拒絕香港繼續沉淪 民陣遊行5,500人參加〉。《蘋果日報》。2019-01-01。原著喺2020-04-20歸檔。喺2020-04-20搵到。
- ↑ 11.0 11.1 〈民陣元旦遊行人數減 持港獨標語者被拒入公民廣場〉。《獨立媒體 inmediahk.net》。2019-01-01。原先內容歸檔喺2021-12-30。
- ↑ 〈【元旦遊行】民族陣線倉庫被爆門偷物資 港獨橫額被拒入公民廣場爆衝突〉。《蘋果日報》。2019-01-01。原著喺2020-04-20歸檔。喺2020-04-20搵到。
- ↑ 〈民權觀察就2019年1月1日「元旦遊行」嘅初步觀察總結〉。《香港獨立媒體》。2019-01-03。原先內容歸檔喺2021-07-16。
- ↑ 〈政府回應元旦遊行 尊重市民遊行和集會權利自由〉。《香港經濟日報》。2019-01-01。