香港浸會大學北方話豁免試風波

浸會大學北方話豁免試風波（粵拼：zam3 wui6*2 daai6 hok6 bak1 fong1 waa6*2 kut3 min5 si5 fung1 bo1）係指香港浸會大學學生組織因普盟、學生會同浸大山神成員於2018年1月17號喺語文中心嘅佔領行動。副校長（教與學）周偉立等到場調停，並承諾喺23號出席學生會召開嘅群眾大會，參與對話。語文中心亦喺學生連番要求後最終出示咗北方話畢業資格豁免測試嘅評分凖則文件，一眾學生佔領語文中心八個鐘後散去。當中浸大學生會長劉子頎同中醫五年級學生陳樂行喺佔領行動期間用粗口鬧過教職員，結果俾校長錢大康勒令即時停學，引發更大嘅風波。