香港紅十字會醫院學校

香港紅十字會醫院學校（英文：Hong Kong Red Cross Hospital Schools）係香港紅十字會為因為患病或有特殊學習需要而接受醫院治療嘅學童提供適切嘅教育服務。

服務對象編輯

香港紅十字會醫院學校主要為住院嘅學齡兒童提供教學服務，設有班級由小學一年級至中學六年級。病童留院第三日，就可註冊入學。學生可以喺課室上堂或病房裏面分組學習；至於唔可以落床嘅學童，教師就喺床邊授課。
學校接受患上唔同疾病、具有唔同弱能嘅兒童上堂。入住兒科病房或其他專科病房嘅學童一般患有哮喘、肺炎、肝炎、腸胃炎、腹絞痛、結核病、骨折或扭傷等。
精神科病房或日間醫院嘅學童多數係患有自閉症、讀寫困難、專注力不足同過動症、思覺失調、恐懼症、厭食症、精神分裂症、躁狂症、焦慮症或強迫症等。
此外，亦有腦癌、血癌或其他長期病患學童喺屋企休養期間，透過教育局嘅轉介接受家居教學服務。

根據主流課程，以「同一課程架構」嘅理念施教，亦配合教育局課程改革政策為學生提供各學習領域校本課程，特別係重視生命教育。為照顧學生嘅學習多樣性，會根據個別需要作出課程調適。此外，亦為有情緒或行為問題，同埋智力、活動、感知能力有障礙等嘅病童，設計合適嘅輔導課程。

中文、英文、數學、常識、電腦、普通話、視覺藝術、德育及公民教育、音樂活動、閱讀。

中文、英文、數學、通識教育、綜合科學、生活與社會、中國歷史、電腦認知、普通話、視覺藝術、德育及公民教育、音樂活動、閱讀。

香港紅十字會醫院學校有二十五個教學服務單位，分佈喺二十間公立醫院裏面^[1]：

另有一個家居教學服務單位。