香港貿易發展局（簡稱貿發局；英文：Hong Kong Trade Development Council，縮寫：HKTDC）係推廣香港產品同服務貿易嘅法定機構，宗旨係為香港企業特別係中小企業創造商機。
香港貿易發展局喺全球設立40多個辦事處，其中13個位於中國內地，提供多元化嘅業務推廣同營商支援服務，並為香港中小企探索市場商機、聯繫世界各地嘅業務夥伴。香港貿易發展局舉辦各類活動，推廣香港嘅營商平台同服務，鞏固香港作為亞洲首選服務樞紐嘅地位。此外，貿易發展局舉辦各類研討會同建立經貿研究網站，發佈全面嘅商貿資訊，協助中小企增強競爭力。
