香港遊樂場協會
香港遊樂場協會（英文：Hong Kong Playground Association）係香港一間非政府青少年社會服務機構，喺1933年創立，透過多元化嘅服務，致力培育青少年喺德、智、體、群、美全面而均衡嘅身心發展，成為香港社會嘅接班人。
機構簡介
編輯香港遊樂場協會服務分為「中央行政及機構傳訊部」、「社會工作部」同「文化及體藝部」三大部門。「中央行政及機構傳訊部」負責協會行政、組織大型活動、機構傳訊、專業研究同發展等。「社會工作部」服務包括青少年綜合服務中心、兒童及青年中心、地區青少年外展社會工作服務、青少年深宵外展服務、社區支援服務計劃、學校社會工作服務、非常學堂輟學生輔導計劃等。而「文化及體藝部」就包括場館營舍、交流、藝術服務、體育服務、社會企業。服務單位遍佈港島、九龍、新界同離島各區。同時，亦同內地、澳門、東南亞鄰近地區嘅政府同公營機構有經常性嘅交流同合作，以促進彼此之間嘅專業發展。秉持「以人為本、追求卓越」嘅精神，貢獻社會，造福新一代，並致力成為一間香港同國際知名嘅專業青少年服務機構。
使命
編輯- 促進青少年嘅全人發展
- 建設青少年健康同理想嘅成長環境，並倡議同協助建設一個重視同關心青少年嘅社會
- 支援身處不利環境嘅青少年抵抗逆境同誘惑，確立目標，融入社會
- 培育青少年正確嘅公民價值觀，積極參與社會，熱愛國家民族
- 提供空間畀青少年發揮潛能同創意，強化競爭力同抗逆力
