馬凱
想搵第二個意思嘅話，請睇馬凱 (搞清楚)。馬凱（英文：Victor Mallet；1960年5月14號—），係英國資深傳媒工作者，依家係英國報紙《金融時報》亞洲新聞編輯。
簡歷 編輯
馬凱喺温車士打公學同牛津大學墨頓書院畢業後，做過路透社同牛津大學出版社，之後加入咗《金融時報》。佢被派駐香港多年，2017年11月開始做香港外國記者會第一副主席。
2018年10月，馬凱申請延長半年工作簽證被港府拒絕，只係俾7日短期旅遊簽證。港府堅持唔公開理由，外界認為理由係佢2018年8月請過香港民族黨召集人陳浩天到記者會演講，得罪咗北京政府同港府。呢件事令人擔心香港嘅高度自治同新聞自由係咪少咗。2018年11月，馬凱用遊客身份到香港，畀入境處查問咗幾個鐘之後被拒絕入境。
參考 編輯
 |