馬忠 (東吳)

馬忠係東漢末年孫權手下潘璋個司馬。

佢喺呂蒙攞荊州之後，關羽兵敗走麥城嗰陣，計劃撤返去蜀地，馬忠同偏將軍朱然、潘璋去臨沮嗰度截佢出路。馬忠喺章鄉見到關羽同佢個仔關平、都督趙累同佢十幾個騎兵，就拉咗關羽佢哋。

潘璋因為呢戰有功，拜固陵太守、振威將軍，封溧陽侯；朱然升職昭武將軍，封西安鄉侯；反而冇記馬忠封賞，以後馬忠冇再喺史書出現。

民間藝術

喺小說《三國演義》，佢因為捉關羽有功，被孫權賞關羽嘅赤兔馬，但係赤兔馬唔肯食嘢，幾日之後餓死。劉備起兵攻吳國嗰陣，射死黃忠同打退張苞，但係劉備仲係勁勢，麋芳同傅士仁睇到唔掂，馬忠被佢哋梟首之後攞返劉備度。