麋芳

麋芳，字子方，東海郡胊縣（家下江蘇連雲港）人。本隸屬陶謙，後來同阿哥麋竺投靠劉備，後來再投降吳。

一生

原本係徐州嘅彭城相，之後辭官同佢阿哥麋竺同劉備做嘢。劉備入荊之後升任南郡太守同駐守江陵，同關羽共事，不過兩人私情唔啱。麋芳曾經因為南郡郡治失火，兵器被焚燒，激嬲關羽，麋芳同公安太守士仁常日諗關羽輕視自己，孫權知後就同麋芳勾結，麋芳暗中同孫吳來往。

樊城之戰嗰陣，麋芳同士仁佢哋畀唔夠軍需，關羽話返來要罰佢哋，佢哋聽到好驚。關羽去樊城圍攻曹仁嗰陣，孫權趁呢嗰機會派呂蒙去荊州，派虞翻成功勸降士仁，攞咗公安，領士仁進攻南郡郡治，麋芳睇到士仁成咗吳將之後開城投降，成咗孫權嘅部將。

麋芳投降嗰陣，呂蒙因為簡單攞到江陵仲放鬆戒心，但係虞翻告畀呂蒙，江陵城中得麋芳同吳軍係一心嘅，其他人仲有疑嘅，呂蒙醒返咗，及時掌控城內重地，畀原本伏擊嘅人唔得搞好埋伏。

麋芳去東吳之後，有一次乘船同虞翻見面，前導人員怒要虞翻行開「避將軍船」，虞翻怒：「唔忠唔信嘅人點侍奉君主？害人哋失咗兩城嗰人得做將軍？」麋芳驚就唔答，閂門走開咗。又一次，虞翻要經過麋芳嘅營寨，結果營門閂咗唔畀虞翻通行，虞翻仲怒：「應該閂門嗰陣就開門、該開門嗰陣就閂門，咁做係得嘅？」麋芳聽講之後覺得好論息。

黃武二年（223年）六月，同賀齊去討伐叛吳投魏嘅晉宗。以後冇麋芳嘅記載。

藝術形象

喺《三國演義》係叫糜芳，同阿哥麋竺仕徐州牧陶謙，之後一齊投靠劉備。長坂坡之戰嗰陣受重傷，仲以為趙雲投曹，將呢事報畀劉備。劉備平咗益州後，任佢做南郡太守同關羽共事。之後同傅士仁飲酒畀軍糧失火激嬲關羽，以致傅士仁、麋芳驚關羽，之後呂蒙襲擊荊州城嗰陣投吳。夷陵之戰嗰陣，同傅士仁殺死吳將馬忠返來投蜀，劉備怒到叫關興除咗麋芳、傅士仁二人嘅身，麋芳、傅士仁跪地關羽祭靈前，佢哋畀劉備親手用刀殺死攞去祭拜關羽。

屋企

• 麋竺，麋芳阿哥，蜀漢官吏。
• 麋夫人，麋芳個妹。劉備落難嗰陣被麋竺嫁畀劉備。

評語

楊戲嘅《季漢輔臣贊》贊麋芳、士仁、郝普、潘濬：「古之奔臣，禮有來偪，怨興司官，不顧大德。靡有匡救，倍成奔北，自絕於人，作笑二國。」

參考

• 《三國志‧蜀書‧麋竺傳》
• 《三國志‧蜀書‧關羽傳》
• 《三國志‧蜀書‧楊戲傳》
• 《三國志‧吳書‧虞翻傳》
• 《三國志註》