習馬會（台灣叫馬習會）係指中共中央總書記習近平同中華民國總統馬英九，作為兩岸最高領導人嘅歷史性會面，會面喺2015年11月7號喺新加坡舉行[1]。今次會面係兩岸自1949年分治以嚟，領導人首次嘅直接接觸。本來大陸同台灣雙方有意畀兩個人以中國共產黨同中國國民黨領導人身份見面，不過馬英九喺2014年底因為地區選舉失利辭咗國民黨主席職務，因此雙方以「兩岸領導人」身份見面，互相叫對方「先生」，唔用官職稱呼。
