馬達加斯加島

  呢篇文講島。想搵國嘅話，請睇馬達加斯加。

馬達加斯加島（Island of Madagascar）係全球第四大、非洲第一大島，喺非洲大陸東南面對出嘅印度洋西南部，面積587,041平方公里，隔住莫三鼻給海峽同非洲大陸相望。海岸線長約5,000公里。東南沿海屬於熱帶雨林氣候，終年濕熱，年平均氣溫24°C；中部係熱帶高原氣候，溫和涼爽，年平均氣溫18.3°C；西部係熱帶草原氣候，乾旱少雨，年平均氣溫26.6°C。成個島都係馬達加斯加嘅主要領土。

馬達加斯加島

岡瓦那大陸喺侏羅紀解體之後，馬達加斯加島喺大約8,800萬年前由印度板塊分裂，原生動植物喺隔離環境嘅自然條件之下，令到馬達加斯加成為生物多樣化嘅地區。