馬降龍

馬降龍（粵拼：maa5 gong3 lung4）係廣東開平嘅行政村，喺百合鎮嘅潭江東邊嘅沖積平原位。馬降龍轄永安、南安、慶臨、河東同龍江5條村，其中最早形成嘅永安自然村喺大清乾隆年間開村。

史

初時係河灘，亦叫「豐歲蓢」，寓意年年豐收。直到大清乾隆年間，黃氏家族率先嚟到河灘開咗永安村，之後南安村同關氏嘅慶臨、河東、龍江陸續開村。中華人民共和國成立初期，永安、南安、慶臨、河東同龍江5個村合併叫馬降龍。1963、1965、1968年開平洪水導致水浸交關，附近村民來呢條村避難。2001年6月俾國務院列入全國重點文物；2006年4月攞過中國最值得鬼佬去嘅50個地方金獎；2007年6月被列入世界遺產。

概況

條村主要人口係華僑同港澳人，主要喺美國、加拿大、墨西哥同澳洲地區都有分佈。村入面嘅7間碉樓同8棟別墅都喺20世紀初起好，有啲喺1930年代起好。

連出去

• 馬降龍古村 開平碉樓