駐立陶宛臺灣代表處
駐立陶宛臺灣代表處（英文：Taiwanese Representative Office in Lithuania，立陶宛文：Taivano atstovybė Lietuvoje）係中華民國設喺立陶宛首都維爾紐斯嘅實質大使館，係繼臺灣駐索馬利蘭代表處之後第二個用「臺灣」名義設立嘅代表機構，亦係目前唯一喺中華人民共和國建交國用「臺灣」做名設立嘅現有準外交機構。[1]
歷史
編輯2021年3月23號，立陶宛政府為咗年底喺臺灣設立貿易辦事處而正式向國會提交議案修改《公務員法》，令到立陶宛公務員可以向非邦交國派駐貿易代表。[2]6月30號，立陶宛外交部長格比亞魯斯·藍斯柏吉斯 (Gabrielius Landsbergi) 話加強外交係成套亞太計劃，解釋除咗喺澳洲設立大使館，亦會喺韓國、新加坡同埋臺灣設立外交代表機構，特別提到臺灣。[3]
2021年7月20號，中華民國外交部長吳釗燮宣布預計喺立陶宛首都維爾紐斯設立「駐立陶宛臺灣代表處」。[4]呢個係中華民國政府繼2003年設立駐斯洛伐克代表處，相隔18年之後再喺歐洲國家設立代表處。
2021年9月30號，立陶宛國會修改法例，通過政府可以喺未設立正式外交代表機構嘅國家地區設立經貿代表處，立陶宛經濟及創新部部長奧什麗內·阿爾莫奈特 (Aušrinė Armonaitė) 宣佈法律生效之後，將會徵選駐臺灣經貿代表處首長。[5]
駐立陶宛臺灣代表處喺2021年11月18號正式運作，而立陶宛駐臺灣經貿代表處就預計喺2022年初正式成立。[6]
參考
編輯- ↑ 有報導話呢個代表處係「第一個」喺中華人民共和國嘅建交國入面用「臺灣」做名設立嘅外交機構，但之前已經有臺灣駐巴林商務代表團、駐玻利維亞 臺灣商務辦事處、臺灣駐的黎波里商務代表處等，但後嚟都改名或者取消。
- ↑ 立陶宛議會修法完成 駐台辦事處最快10月成立 互聯網檔案館嘅歸檔，歸檔日期2021年11月4號，.，上報，2021/10/1
- ↑ 簡恒宇 (2021年7月2號)。〈經貿外交拓展亞洲市場》立陶宛外長表明在台灣設代表處 我外交部高度歡迎〉。風傳媒。原先內容歸檔喺2021年7月23號。喺2021年7月21號搵到。
- ↑ 〈駐立陶宛代表處將設立 吳釗燮：歐洲首個以台灣為名外館[影]〉。CNA。時間 2021-07-20。原先內容歸檔喺2021-08-17。喺2021-07-20搵到。
- ↑ 立陶宛國會通過修法 為設駐台經貿代表處開綠燈 互聯網檔案館嘅歸檔，歸檔日期2021年11月19號，.，中央社，2021/10/1
- ↑ 中國施壓未果 立陶宛總統：對台灣立場不變 互聯網檔案館嘅歸檔，歸檔日期2021年11月19號，.，中央社，2021/10/28