高長恭

高長恭（541年—573年），本名高肅，又叫高孝瓘，字長恭，以字行。勃海郡蓨縣（今河北省衡水市景縣）人，佢係齊神武帝高歡嘅孫，因為曾經受做蘭陵郡王，所以人人都稱佢做蘭陵王。

生平

宮島神社嘅舞樂蘭陵王

天保八年（557年），高長恭以通直散騎侍郎為起家官，天保九年（558年），高長恭被封做樂城縣開國公，有食邑八百戶。天保十年（559年），高長恭被封做儀同三司，同年升為上儀同三司，以本官嚟代理肆州刺史，後來又升做儀同三師。乾明元年（560年），高長恭被封做左右大將軍，增加咗食邑一千戶，同年5月1日封做為蘭陵郡王。皇建元年（560年），高長恭增加食邑總計有一千五百戶，轉做中領軍。齊武成帝高湛登基之後，佢被任命做使持節、并州刺史。太寧二年（562年），佢被封做鉅鹿郡開國公，有食邑一千戶，升為領軍將軍。突厥攻入晉陽嗰時，佢盡力反擊突厥。

河清三年（564年），北周進攻洛陽，十二月，北齊派遣佢同大將軍斛律光去洛陽幫手，並紮喺邙山下底，因為驚強盛嘅周軍，所以齊軍唔敢進軍。北齊并州刺史、平原王段韶從晉陽前往戰場，去到洛陽，同北齊將軍一齊登上邙阪，觀察周軍嘅形勢。齊軍喺太和谷同周軍遭遇，齊軍結成戰陣嚴陣，由段韶指揮左軍，由高長恭指揮中軍，由斛律光指揮右軍。佢哋帶領五百騎兵兩次衝入北周嘅軍中，之後抵達金墉城下，當時嘅金墉城被圍困得非常緊急，城上嘅守軍都認唔出高長恭，高長恭除底面具露出真樣，金墉城中於是派出弩兵去幫高長恭，圍困城池嘅周軍最終撤走，從邙山到穀水，三十里中北周嘅軍械物資塞滿嗮山川河流，北齊得到邙山大捷。之後北齊嘅武士一齊唱歌嚟稱頌高長恭，就係出命嘅《蘭陵王入陣曲》。高長恭喺凱旋之後，自我陳述軍陣嘅形勢，兄弟都讚嘆佢，只係得佢嘅細佬高延宗講：「哥哥你唔係大丈夫咩，做乜唔嚟個乘勝追擊？如果喺我遇到呢啲形勢，關西嘅北周可能都唔存在啦！」

鬼面具

佢同後來宋朝嘅狄青一樣，都鍾意喺打仗嗰陣以面具示人。有人認為佢帶鬼面具喺因為佢喺美男子，戴住副面具就可以彌補自己嘅弱勢。有啲人就認為佢戴鬼面具喺用來嚇走敵人，嚟達到不戰而勝。