高陞戲院
高陞戲院（英文：Ko Shing Theatre）又寫高陞戲園，係香港一戲院，演大戲爲主，盛極一時。院介乎上環同西環之間西營盤，皇后大道西一百一十七號，雀仔橋對面，對住國家醫院，今已拆[1]。戲院喺十九世紀七十年代建成，樓高兩層，戲臺在前，地下（讀上聲）長板位，坐長板櫈，二樓正中女席。側邊全係企位，稱五百羅漢位。歷次重修，一九二八年重建，有位一千七百廿二[2]。一九七一年拆咗[3][4]。現址爲僑發大廈。
| ||||
|---|---|---|---|---|
| 國家 | 中華人民共和國  | |||
| 位處政區 | 中西區、香港 | |||
高陞戲院嘅位置  | ||||
[改維基數據] | ||||
高陞戲院後面，有條高陞街。院內有武昌茶樓，東面有得男茶樓，均拆。
一八九零年三月卅一號，英皇子干諾公爵夫婦到港，曾到高陞戲院。
都市傳說
編輯香港女作家深雪喺1991年《Yes!鬼世界》雜誌發表嘅第一個短篇小說《雞人》，俾網友「一字不差」將佢嘅恐怖小說放上網，然後發酵成繪影繪聲嘅都市傳說，被網友評為「十大香港都市傳說」，2013年9月24號深雪喺佢嘅網站澄清《高陞戲院的雞人》故事純屬虛構，唯一真實嘅係高陞戲院的確存在[5][6]。
註
編輯- ↑ 〈戲台上下 — 香港戲院與粵劇〉 (PDF)。香港文化博物館。2020年5月。原先內容歸檔 (PDF)喺2021。
- ↑ 〈已拆卸戲院一覽（三）〉。原著喺2012年6月2號歸檔。喺2012年5月18號搵到。
- ↑ 〈高陞戲院舊址 皇后大道西〉。原著喺2015年2月21號歸檔。喺2012年5月18號搵到。
- ↑ 〈雀仔橋由來〉。
- ↑ 〈深雪在其網站澄清〉。原著喺2018年5月20號歸檔。喺2015年4月23號搵到。
- ↑ 雞人女鬼說人心 都市傳說 全民n次創作《明報》2013年10月11日