鬱金香狂熱（Tulpenmanie）又或者叫鬱金香熱、鬱金香風暴、鬱金香瘋，係發生喺17世紀荷蘭一場好出名，亦係世界上最早嘅經濟泡沫事件，成件事最高峰係喺1636到1637年期間。
喺嗰陣時鬱金香花種由土耳其君士坦丁堡帶入奧地利維也納，深受貴族歡迎，之後荷蘭人第一時間拎嚟炒賣，重將好多土地用晒嚟種鬱金香，鬱金香變成咗期貨，後來因為價格漲得太勁，開始無人想買，喺1637年2月鬱金香價格暴跌，結果令好多種鬱金香嘅人傾家蕩產，爭人周身債。
