鬱金香

鬱金香（注意「鬱」字嘅讀法，粵拼：wat1 gam1 hoeng1；學名：Tulipa）係百合科下面一個屬嘅多年生草本植物，原產地喺中國嘅青藏高原地區，入面有可細分做大約150個野生種。

How to read a taxobox 鬱金香
物種分類
界 植物界 Plantae 門 被子植物門 Magnoliophyta 綱 單子葉植物綱 Liliopsida 目 百合目 Liliales 科 百合科 Liliaceae 屬 鬱金香 Tulipa L.
品種
睇「屬下品種」嗰欄

而家全世界有好多種雜交嘅鬱金香，如估計埋絕咗種嘅，大概有8000幾種。根據荷蘭繁殖中心記載，而家凈得大概3500種唔同嘅鬱金香品種。

花語

佢嘅花語係博愛、體貼、高雅、富貴、慈善、名譽、美麗、祝福、永恆、永恆嘅祝福，及愛嘅表白。但係唔同色嘅鬱金香，代表意思都唔同：

• 紫——無盡嘅愛、最愛。
• 白——純潔清高嘅戀情。
• 粉紅——永遠嘅愛
• 紅——愛嘅告白、喜悅、熱烈嘅愛意。
• 黃——開朗
• 黑——神秘、高貴、獨特領袖全力，榮譽嘅皇冠。
• 雙色——美麗嘅你、喜相逢。
• 羽毛——情意綿綿

樣

佢嘅鱗莖係地下莖，好似個波噉。而花嘅方面，喺園藝學入面，鬱金香按開花習性分為早開同遲開兩種。其中早開嗰種嘅莖得2dm咁短，但都幾清香下，有單瓣同重辦品種。而遲開嗰種嘅莖好長，得個單瓣品種，冇乜味。而花色有好多種，有紅、黃、白、藍、紫等色。

屬下品種

全球各地大概有8000幾種鬱金香，其中有大概150種被大量生產，多數都係紅、黃、紫、白、橙呢五種。若果按栽培時節同花期嚟分，重可以細分成早、中、晏三種。

文化

睇埋：手指公姑娘

歐洲人好鍾意鬱金香，17世紀曾經爆發過鬱金香狂熱，係史上其中一個出名嘅經濟泡沫。

荷蘭國花

喺荷蘭，鬱金香同風車、芝士、木鞋夾埋一齊，話成「荷蘭四寶」。佢當地啲人一直將靚同華貴、莊嚴嘅象徵。後嚟喺當地成為國花。

土耳其國花

從12世紀開始，土耳其當地種嘅鬱金香成日用喺圖畫、石刻、木雕、地毯、窗簾、服裝界入面嘅裝飾圖。佢嘅樣同色喺土耳其入面，幾乎好多人鍾意佢，甚至宮廷都唔例外。後嚟呢朵花成為土耳其嘅國花而家喺每年4~5月喺伊斯坦布爾嘅愛米阿柬公園都成日搞鬱金香節。

有關嘅書

• 中国少年儿童百科全书 自然·环境 第423页　浙江教育出版社 ISBN 7-5338-1946-2/G·1942
• 鬱金香與球根花卉 猫头鹰出版社 ISBN 978-986-6651-47-2