魚翅
(由魚翅撈飯跳轉過嚟)
魚翅係中國傳統嘅名貴食材之一，喺《宋會要》度記載，係山珍海味中嘅一種，「鮑參翅肚」中嘅「翅」所指嘅正係魚翅。魚翅用鯊魚嘅鰭製成，通常同雞湯等煮成魚翅羹。
有講法話中國人食用魚翅嘅習慣源於鄭和，《明宮史》記載，明熹宗鍾意用魚翅、燕窩、蛤蜊整嘅「一品窩」，《本草綱目》載「（鮫魚）背上有鬣，腹下有翅，味並肥美，南人珍之」。香港係目前全球最大嘅魚翅轉口站同銷售點，港人食魚翅嘅風氣大概喺19世紀中開始。
魚翅本身無特別嘅味道，煮好後形成透明嘅絲狀。香港亦有人用粉絲、豬肉絲、木耳絲扮魚翅羹嘅街頭平價小食「碗仔翅」。日本亦有生產人造魚翅（素翅）。
生態破壞改
反對食魚翅嘅人講，因為魚翅價錢貴，吸引各地漁民捉鯊魚。而鯊魚肉唔值錢，漁民喺捉到鯊魚之後，淨係割咗魚鰭，就將條魚抛返落海，留翻多尐空位放價高嘅魚翅。啲鯊魚唔會即刻死，但會因游唔到水而窒息，或者俾其他鯊魚食。部份關注動物同生態團體近年落力宣傳唔食魚翅，原因唔止係攞魚鰭嘅過程殘忍，更會搞到鯊魚數量大減；三十年嚟跌咗九成[1]。大量捕殺海洋生態系統金字塔頂部嘅鯊魚，重會搞到大量中小型魚類因為冇咗天敵而數量大增，搞亂成個海洋生態平衡[2]。
家陣魚翅主要嚟自未瀕危嘅藍鯊同青鯊，但現時捕鯊地區未有對瀕危品種立法禁捕，所以對瀕危品種嘅生存經已受到嚴重威脅。專家話中國經濟好，魚翅需求大增，所以對鯊魚整體生存構成更大嘅威脅[3]。
文化異相改
曾幾何時，鯊魚喺西方社會受到大量捕殺，攞咗魚油嘅成分，魚翅就掉咗[未記出處或冇根據]。但係美國加州唔准食魚翅[4]。
澳門有唔少餐廳用魚翅來做招徠，平到幾十文都有交易，連政府都有幫手宣傳當地嘅魚翅飲食文化。
俗話改
魚翅向來唔平，通常會配其他貴嘅材料來煮同食。字面意思唔多妥嘅「魚翅𠺘口」同「魚翅撈飯」，比喻「有米兼亂揈錢」。
參考改
- ↑ Laura Marquez (2006-10-30). "Rising Demand For Fins Contributes To Decline In Shark Population, Critics Charge". ABC News. 原著喺2007-11-02歸檔. 喺2008-06-21搵到.
- ↑ 〈存档副本〉. 原著喺2007年12月29號歸檔. 喺2012年10月29號搵到.
- ↑ 〈《海鮮的美味輓歌》：中國人對全世界的水中生物而言，可說是個噩耗〉. The News Lens. 2018-07-09.
- ↑ 〈美國加州禁魚翅法案爭論激烈 華人熱議〉. 《大紀元時報（美國）》. 2011-05-08.