鳴琴路（粵拼：ming4 kam4 lou6；英文：Ming Kum Road）係香港新界屯門區主要道路，連接山景邨同寶田邨。鳴琴路南接青雲路同杯渡路，北接震寰路同興貴街（可以去到塘亨路），全長1.7公里。
鳴琴路由南到北連接幾個公共屋邨，包括山景邨、大興邨、田景邨、良景邨及寶田邨。
鳴琴路本來係望后石路嘅一部份。1990年代，政府將而家屬於鳴琴路路段，同埋屬於龍門路路段，由望后石路分拆出嚟；而鳴琴路後來再由龍門路拆細出來。
