堅拿道天橋（Canal Road Flyover）又叫鵝頸橋，係香港一行車天橋，喺香港島灣仔，因爲喺堅拿道上面而名。香港政府定佢入1號幹線。條天橋駁埋黃泥涌峽天橋北面同香港海底隧道銅鑼灣出口，全程雙線到三線雙程分隔。日常生活中會當黃泥涌峽天橋係堅拿道天橋一部份。
鵝頸橋呢個名本嚟係指舊時軒尼詩道橫跨鵝頸澗嘅橋，但隨住鵝頸澗改做暗渠，嗰度已經完全搵唔到橋嘅痕跡，而鵝頸橋呢個名就變咗用嚟稱呼堅拿道天橋。
