鹽田仔

鹽田仔（Yim Tin Tsai）係香港一地，舊時一島，家係半島。佢喺大埔東北，船灣以南，夾喺船灣海同大埔海之間，東南有沙洲連去馬屎洲。鹽田仔有三門仔路，出汀角路來往大埔。

名

鹽田仔，顧名思義，係鹽田，之不過田唔大，所以就叫鹽田仔。鹽田仔東部因水流沖積，成爲淺灘，啱晒圍海曬鹽。不過家下無人曬鹽，生晒浪柴，即係學名叫嘅紅樹林。舊時鹽田仔一帶多水上人嘅船，後尾唔少人搬上岸。島北有聯益漁村，另外有白沙頭洲三間仔搬村過來嘅水上人，喺島嘅西北灣度建村，叫三門仔新村，所以呢帶又叫三門仔。