船灣海
船灣海（英文Shuen Wan Hoi，舊Shun Wan Hoi），又叫寶湖（英文Plover Cove）係香港一海，喺大埔東北。佢喺正八仙嶺南面， 而佢西面係隔個半島係大埔海，而東南有赤門出大鵬灣。
船灣海係個內海，畀一堆島同山圍住。山有八仙嶺同橫嶺，島有鹽田仔、馬屎洲、東頭洲，半島有虎頭沙。船灣海個名，來自佢西面嘅船灣，而船灣亦有大村。家下船灣分成兩份，東面過大尾𡰪，係船灣淡水湖，係個水塘，而西面就喺水塘之外。
起船灣淡水湖嗰陣，有村六條，統稱船灣六鄉，要搬村到去大埔。當今大埔廣福道同林村河之間，就係六鄉新村。街名寶湖道、寶鄉街、陸鄉里，同屋苑寶湖花園，就保留咗同船灣海嘅關係。
出面網頁
編輯