鹿鳴酒家
鹿鳴酒家（粵拼：luk1/2 ming4 zau2 gaa1）係中國廣東省廣州市嘅一間酒樓，喺越秀區麓湖公園入面，北邊嘅湖邊嗰度。呢間酒樓喺1980年9月5號正式開業，佢係廣州市嘅一間比較出名嘅老字號酒樓。
負責方
編輯呢間酒樓係由廣州市委同市政府負責出錢起，廣州市政園林局嚟理呢間酒樓，而管理方面，喺1980年—2005年就交咗畀廣州市政園林局隸屬白雲山管理局麓湖管理處理，喺2006年之後就畀咗廣州大廈嚟理。
敘述
編輯呢間酒樓嘅營業面積有5500平方米。入面有5個大餐廳，卅幾個大細嘅廳房，可以一次性開150席都得。入面重有高級豪華會議廳同埋卡拉OK等多功能嘅設施響度。
史
編輯呢間酒樓喺1980年9月5號正式開始試業，嗰年10月1號正式開始經營[1]。喺酒家開咗業到2005年嗰陣整咗好多攞咗美食獎嘅名菜同靚湯俾好多廣州市民鍾意咗。雖然話喺2005年8月1號因為酒樓話改造而閂咗檔[1]，但係隨住廣州大廈接手呢間酒樓嘅經營權之後，間酒樓正式喺2007年2月8號重新開業[2]。