麗溟衞公祠
麗溟衞公祠，堂號福雲，喺廣州市海珠區瀝滘村付四約北12號，係番禺瀝滘衞氏大夫房十九世祖嘅祠堂。清朝光緒五年（1879年）起。坐北朝南。2012年8月定爲海珠區不可移動文物。
| 麗溟衞公祠 福雲堂 | |
|---|---|
| 主祀 | 麗溟（十九世祖） |
| 家族信息 | |
| 家族 | 瀝滘衞氏 |
| 起源 | 河東郡 |
| 修建史 | |
| 始建 | 1879年 |
| 方位 | |
| 地址 | 廣州市海珠區瀝滘村付四約北12號 |
| 朝向 | 坐北朝南 |
| 現時尚存 經已掛牌 | |
| 登錄名 | 麗溟衞公祠 |
| 等級 | 海珠區不可移動文物 |
| 登錄時間 | 2012年8月13號 |
建築 編輯
總面闊三間11.2米，總進深兩沓20.6米，佔地230.72 平方米。
頭門面闊三間11.2米，進深兩間九架6.1米，山牆承重。有三級花崗岩條石級，兩便有小抱鼓形垂帶石。鑊耳封火山牆，龍船脊。前牆明間凹入去做門廊。門廊花崗岩條石鋪地。石門夾，兩棟木門。明間係廳，兩次間係倒朝房。第一二沓之間天井深4.95米，石屎鋪地。兩便係卷棚頂廊，碌筒瓦面。門上高有光緒年木匾額書「麗溟衞公祠」，右邊打棟寫「光緒己卯季冬穀旦」，左邊落款寫「賜進士出身吏部左侍 郎翰林院編修前廣東 全省提督學正通家晚 生胡端瀾拜書」，下低兩個豆腐章。
第二沓面闊三間，進深9.6米十五架，三柱同後牆承重。屋頂形式同第一沓咁上下。有兩級花崗岩石級。
攷 編輯
- 衞宗正、衞鎔. 《衞氏族譜六卷》.
- 廣州市文物普查增編編纂委員會 (2014). 〈麗溟衞公祠〉. 出自 陳建華 等 (編). 《廣州市文物普查增編 中卷》. 廣州出版社. ISBN 978-7-5462-1837-3.