麗的呼聲(Rediffusion)係一間英國公司,1928年喺英國成立,初時名為Broadcast Relay Services,早期為英國一啲接收唔到電台大氣電波信號嘅偏遠地區以電纜作電台轉播,去到1950年代兼營電視台、電視機租賃同埋銷售。佢哋曾經喺香港新加坡馬來西亞同埋巴巴多斯英國殖民地泰國成立「麗的呼聲」有線電台,同埋喺香港成立大中華地區第一間電視台——麗的映聲(亞洲電視嘅前身),1954至1968年亦獲得啱啱成立嘅英國獨立電視台(免費無線電視台)倫敦地區週一至週五節目嘅經營權(當時名稱為Associated-Rediffusion)。麗的呼聲除咗經營電視相關業務外,仲有機艙模擬器製作、麗的樂韻背景音樂等業務分支。但係佢哋之後經營出現困難,1987年開始終止營運,1988年正式結束。

香港麗的呼聲廣告,喺1949年1月13號嘅華僑日報刊登。

睇埋 編輯

出面網頁 編輯