麥理浩復康院

麥理浩復康院（MacLehose Medical Rehabilitation Centre）係香港港島南區一間公立醫院，喺1984年創辦，個名紀念第25任港督麥理浩，而家由醫院管理局管理，係港島西聯網其中一間醫院，地址係港島沙灣沙灣徑7號。

簡介編輯

麥理浩復康院喺1984年成立，當時嘅創辦機構係香港復康會。復康院為身體殘障嘅病人提供全面同貼身嘅復康計劃，幫助佢哋重拾自信，再次融入社會。此外，亦為出院後嘅身體嚴重傷殘嘅人，提供長期嘅護理服務。復康院同香港復康會同香港大學經常保持緊密聯繫，亦合作推動多項關於專科同以社區為本嘅復康服務。