黃初平
黃初平（約328年—約386年），後世啲人叫佢做黃大仙，係一位道教神仙。佢響中國浙江省金華市出世，原本係當地一名放羊嘅牧童，山中修煉得道。
據祠內嘅《赤松子自述》，黃大仙原名黃初平，喺公元328年於浙江省金華縣蘭溪市出世，十五歲開始學道，四十年後，佢嘅兄弟入山中搵佢，見佢能指石變羊，從此，兩兄弟一齊修煉，雙雙為仙。由於黃初平隱居於赤松山修煉，故又稱「赤松仙子」[1]。
響1897年黃大仙奉玉帝旨意，塵凡佈教[未記出處或冇根據]，響廣東番禺顯靈，自道身世，勸人向善，引來唔少信眾，赤松黃大仙之名因而得以顯揚。由於黃大仙好靈重加埋當時廣東嘅疫病蔓延，求醫問方嘅善信就愈來愈多。黃大仙降亂用嘅靈籤同藥簽一直用到依家，響香港非常普及。依家，九龍有黃大仙區同黃大仙祠。黃大仙信仰響清末嘅廣東開始越嚟越流行。