喺元朝嗰時，有位叫黃道婆嘅織衫褲嘅女仔，由於佢細個嗰時屋企好窮，加上嗰時又係個封建社會，結果佢就從上海嗰邊去到而家嘅海南崖州嗰度向黎族啲人學織衫褲。點知眨吓眼過咗幾十年，黃道婆就從一個女仔變咗個老坑婆，佢就諗住返去上海，不過佢嚟咗而家廣州嘅白雲山北邊嗰度，發現呢個地方既貧窮又落後，結果就喺白雲山嗰度住咗一陣，重教當地啲人點整衫褲。後嚟啲人為咗記得「黃道婆」呢位女仔先至將呢度嗌咗係「黃婆洞」。
喺清朝嘅鴉片戰爭嗰時，三元里當地啲人就喺呢度搞咗個埋伏嚟整蠱啲英國佬。甚至喺太平天國嗰時，李文范就喺呢度搞過義軍誓師。
