黃家強

黃家強（粵拼：wong4 gaa1 koeng4，Wong Ka Keung Steve，1964年 11月13號—）係香港搖滾樂隊Beyond嘅低音結他手，亦係過咗身嘅樂隊主音歌手同結他手黃家駒嘅細佬。

屋企

黄家強祖籍廣東台山。1964年喺香港出世，係黃家駒細佬。

作為屋企嘅孻仔，黃家強細過嗰陣都好任性，係屋企嘅霸王仔，但係黃家駒仍然好惜佢。大個咗之後黃家強係個細心嘅人，黃貫中同埋葉世榮都話，佢哋兩個嘅性格都比較粗枝大葉，黃家強令Beyond一齊做歌嗰陣，留意到好多睇漏眼嘅嘢。

黃家強老婆係日本人，佢哋有兩個仔。

黃家強好多年前同過梁翹柏一齊夾樂隊，1983年尾因為李榮潮離開Beyond而加入。響1988年Beyond《現代舞台》哩隻碟開始有唱歌，佢唱嘅《冷雨夜》係佢響Beyond嗰陣最多人識嘅歌。

1993年6月，Beyond嘅主音歌手黃家駒響日本意外過身，無咗阿哥對黃家強嘅打擊好大。1994年，樂隊出咗《二樓後座》哩隻碟，黃家強亦都響呢個時候開始，同埋主音結他手黃貫中一齊撐起Beyond樂隊主音歌手嘅擔子，發表嘅歌亦都較黃家駒響度嗰陣多。

1999年尾，Beyond宣佈成員分開發展，黃家強開始自己搵食。2002年同埋幾個後生嘅樂手夾左Picasso Horses哩隊樂隊，簽埋香港嘅環球唱片出自己的碟，而且重提拔新樂隊。

黃家強耐唔耐都會寫吓歌畀其他歌手，合作過嘅歌手包括古巨基、陳奕迅、李蕙敏、陳小春、王菲等。