黃復興黨部

黃復興黨部係中國國民黨昔日嘅特種黨部之一，亦係中國國民黨目前唯一嘅專業黨部，佢嘅正式名係「國軍退除役人員」黨部，一般以佢代號「黃復興」稱呼。黃復興黨部成員包括退役官兵同家眷，同埋行政院國軍退除役官兵輔導委員會所屬事業機構成員，由於佢成員佔黨員比率高同高投票率，有左右黨內選舉同國民黨初選嘅影響力。

簡介

1955年10月，蔣經國為咗維護榮民權益同團結退除役官兵支持國民黨嘅政策，研擬籌設榮民專屬黨部。1956年7月，「國軍退除役就業人員黨部」正式成立，代名「黃復興」，寓意「炎黃子孫，復興中華」。因此，呢個退除役官兵組成嘅國民黨組織俗稱為「黃復興黨部」，而地區黨部就以「黃國Ｘ黨部」稱呼（例如基隆市係「黃國基黨部」）。

黃復興黨部近十幾年最有名嘅代表人物係許歷農，而新黨同黃復興黨部嘅關係更有深厚淵源。而家黃復興黨部成員大多係外省籍，喺眷村出身。

睇埋

• 王師凱黨部
• 劉中興黨部

連出去

• 黃復興黨部（臺灣正體）