黃泥墩水塘係香港一座小型水庫，喺元朗大欖郊野公園入面，大欖涌水塘嘅北面。呢個水塘喺偏僻位置，好少有人嚟，距離元朗楊家村最少有半個鐘路程，沿路可以睇到受法例保護嘅豬籠草[1][2]。
1960年代，政府為咗增加大欖涌水塘供水量而將附近河流截流，引水到大欖涌水塘，令元朗中游以下水量大減，影響農民灌溉，所以當局另闢四個灌溉水塘，黃泥墩水塘就係其中一個。水塘容量約12萬立方米[3]，為八鄉同十八鄉嘅農民畀到灌溉用水。
