黃耀聰

黃耀聰，MH，香港經民聯黨員，葵青區議會前任議員（1985-2019年），係親中陣營入面少數擁有泛民主派背景嘅政治人（1980年代葵青七子之一）。

公職

• 葵青區分區委員會（葵涌中南）主席

選舉記錄

喺政府大幅度削減直選議席同排除民主派參選，選舉委員會委員可以互相提名都唔當係利害衝突嘅制度下嘅2023年香港區議會選舉，黃耀聰曾經以經民聯名義參選地區委員會界別（葵青），攞到72票，未能當選。

爭議

2019年香港區議會選舉涉嫌賄選

喺2019年香港區議會選舉投票日，黃耀聰身為華麗選區經民聯候選人，涉嫌提供旅遊巴接載選民，傳媒亦提供咗清晰嘅片段，睇到旅遊巴上張貼咗黃耀聰嘅宣傳海報。根據《選舉條例》，喺投票期間向市民提供免費車輛接送，而車上有任何候選人嘅宣傳品，或有人進行拉票活動，企圖誘使選民投票，有可能違反《選舉條例》。結果佢輸畀單仲偕，34年區議員生涯告一段落。