黃谷柳

黃谷柳（1908年—1977年1月2號）係喺越南海防市出世既第三代越南華僑。

生平

黃谷柳細個既時候同佢老母去阿婆住既雲南河口揾食，18歲既時候（1927年）去香港做咕哩，亦試過擺街賣糖同煙，之後做過報紙既校對，夜晚讀夜校同埋寫嘢。

22歲到33歲既時候（1931—1941年間）做軍閥陳濟棠既寫手。係呢段時間，佢寫過中篇小說，例如《楊梅山下》；亦都寫過劇本，例如《碧血丹心》。

1947年10月開始喺香港《華商報》連載長篇小說《蝦球傳》，因為寫得好好，所以曾經好出名。《蝦球傳》後嚟輯錄成書，變成《蝦球傳》三部曲：第一部係《春風秋雨》，第二部係《白雲珠海》，第三部係《山長水遠》。

42歲既時候（1950年）佢喺《南方日報》做記者，同年寫咗中篇小說《海港新事》。