黃面婆

黃面婆，係香港人經常會用到嘅名詞，係嗰啲唔再點樣打扮，衣著亦都唔再講究嘅家庭主婦嘅俗稱，屬於貶義嘅詞語。佢嘅性質其實同師奶一詞相近。

哩個詞語嘅出處已經無從稽考，相信係因為嗰啲家庭主婦喺嫁咗老公之後，剩係顧著照顧仔女，顧著打理家務而勞心勞力，所以皮膚質素變差咗，塊面上呈現出青青黃黃嘅氣息；再加上男主外女主內嘅關係，佢哋多數匿喺屋企，咁喺屋企自然唔會點洗去理個儀容唔會化粧，咁哩塊「黃面」就更加顯而易見。可能就係哩個原因，於是有人就創作咗「黃面婆」一詞嚟形容喺屋企嘅老婆。而哩個詞語多數係個男人同班兄弟聚會時講自己老婆而用嘅，當然做女人嘅就一定會唔鍾意俾自己個老公咁樣稱呼囉。