黐線，又寫黐綫，係指電話嘅電路或電綫黐埋一齊，以至聽到啲雜聲，甚至其他電話嘅聲，搞到聽得唔清唔楚。
正常電話，搭好線後，只係有關人通話。唔會有其他聲。
比喻人啲神經線好似電話電線咁黐埋咗，唔正常，成日睇錯嘢，聽錯嘢，講錯嘢，或者做錯嘢，搞錯晒，傻下傻下咁。
黐線一字，有時用來話人，甚至鬧人，好似「你黐線㗎」。有時話人時，線字會收起，例如嗰個人黐黐地、黐咗、黐得好勻巡。有時會夾埋粗口字鬧人，如黐𨶙線、黐閪線、黐𨳊線。
由於黐線即係英文Short circuit，有時黐字會變short，如short short地。
